రేపటి నుంచి బడి గంటలు మోగనున్నాయి.

తెలుగు రాష్ట్రాల్లోని పాఠశాలలకు వేసవి సెలవులు నేటితో ముగియనున్నాయి. దీంతో రేపటి నుంచి 2025-26 విద్యా సంవత్సరం రెండు రాష్ట్రాల్లోనూ ప్రారంభం కానుంది. గురువారం (జూన్ 12) నుంచి అన్ని పాఠశాలలు తెరుచుకుంటాయి. మరోవైపు వేసవి ఎండలు తగ్గిపోయి తేలికపాటి చినుకులు కూడా ప్రారంభమయ్యాయి. దీంతో ఎప్పటిలాగే ఉదయం నుంచే పాఠశాల గంటలు మోగనున్నాయి. ఏప్రిల్ 24 నుంచి జూన్ 11 వరకు దాదాపు 50 రోజుల పాటు సెలవులను ఆస్వాదించిన పిల్లలు పాఠశాలకు బయలుదేరే సమయం ఆసన్నమైంది. దీంతో హాయిగా, సంతోషంగా సెలవులు గడిపిన పిల్లలు అమ్మమ్మ, తాతగారి గ్రామాల నుంచి తల్లిదండ్రుల వద్దకు భుజాన బ్యాగులతో పాఠశాలకు వెళ్తున్నారు. ఈలోగా, విద్యార్థుల తల్లిదండ్రులు తమ పిల్లలకు బ్యాగులు, పుస్తకాలు, పెన్నులు, టిఫిన్ బాక్స్‌లు, పెన్సిళ్లు కొనుగోలు చేయడంలో బిజీగా మారారు.

మరోవైపు, ప్రభుత్వ పాఠశాలల విద్యార్థులను ఘనంగా స్వాగతించడానికి రెండు రాష్ట్రాలు ప్రత్యేక ఏర్పాట్లు చేస్తున్నాయి. ఆంధ్రప్రదేశ్‌లో జూన్ 12న పాఠశాలలు తిరిగి ప్రారంభమయ్యే మొదటి రోజున స్టూడెంట్ ఫ్రెండ్ కిట్‌లను పంపిణీ చేయడానికి సన్నాహాలు చేస్తున్నారు. అదేవిధంగా, జూన్ 12న తల్లికి వందనం పథకం కింద విద్యార్థుల తల్లిదండ్రుల ఖాతాల్లో కూడా డబ్బు జమ చేయబడుతుంది.

Also Read స్కూల్, కాలేజీ ఫీజులకు వడ్డీ రహిత రుణాలు

ఈ మేరకు ఇప్పటికే ప్రకటనలు జారీ చేయబడ్డాయి. ఈ విషయంలో తరగతి గదులను ప్రత్యేకంగా అలంకరించడానికి సన్నాహాలు జరుగుతున్నాయి. తెలంగాణలో కూడా ప్రభుత్వ పాఠశాలల్లో విద్యార్థుల సంఖ్యను పెంచడానికి వివిధ ప్రత్యేక కార్యక్రమాలు చేపడుతున్నారు. అనేక ప్రైవేట్ పాఠశాలలు ఇప్పటికే తరగతులు ప్రారంభించగా, రాష్ట్రవ్యాప్తంగా అన్ని విద్యాసంస్థలు గురువారం నుండి అధికారికంగా ప్రారంభమవుతాయి. పాఠశాలల పనివేళలు ఉదయం 9 గంటల నుండి సాయంత్రం 4 గంటల వరకు ఉంటాయి.