అక్కినేని కుటుంబం మరోసారి పెళ్లికి సిద్ధమైంది.

అక్కినేని హీరో అఖిల్ చాలా కాలంగా సినిమా ఇండస్ట్రీలో ఉన్నాడు, కానీ అతనికి ఒక్క హిట్ కూడా లేదు. దీనితో అక్కినేని అభిమానులు ప్రస్తుతం ఆయన నటిస్తున్న ‘లెనిన్’ సినిమాపై ఆశలు పెట్టుకున్నారు. శ్రీలీల హీరోయిన్ గా నటిస్తున్న ఈ సినిమా కోసం మురళీ కిషోర్ అబ్బుర్ దర్శకత్వం వహిస్తున్నాడు. ఈ సినిమా కోసం అఖిల్ చాలా కష్టపడుతున్నాడు. తన లుక్ కూడా పూర్తిగా మార్చుకుని వావ్ గా కనిపిస్తున్నాడు. ‘లెనిన్’ సినిమాతో బిజీగా ఉన్నప్పటికీ, అప్పుడప్పుడు తన కాబోయే భార్యతో కనిపిస్తూ సోషల్ మీడియాలో హల్ చల్ చేస్తున్నాడు.

అఖిల్ ఒక వ్యాపారవేత్త కుమార్తె జైనాబ్ రావ్జీతో నిశ్చితార్థం చేసుకున్న సంగతి తెలిసిందే. ఈ విషయంపై అక్కినేని నాగార్జున కూడా అధికారిక ప్రకటన చేశారు. అఖిల్ పెళ్లి చేసుకుంటాడా లేదా అని అక్కినేని అభిమానులు ఆసక్తిగా ఎదురుచూస్తున్నారు. ఈ నేపథ్యంలో అఖిల్ పెళ్లికి సంబంధించిన ఒక ఆసక్తికరమైన వార్త హల్ చల్ చేస్తోంది. ఈ ఏడాది జూన్ 6న అఖిల్ వివాహం జరగబోతోందనే వార్తలు వైరల్ అవుతున్నాయి. అంతే కాకుండా.. పూర్తి వివరాలు త్వరలో వస్తాయని వైరల్ అయిన పోస్ట్ తో అక్కినేని అభిమానులు ఉత్సాహంగా ఉన్నారు.

Also Read ఉల్లిపాయ పచ్చిమిర్చితో అద్దిరిపోయే "పచ్చడి"